時間過得真快，兩星期後又到聖誕節…
再過一個月又農曆新年…話咁快又到龍年…
所以聖誕後，便需要立即辦年貨，好好準備過新年!
賀年糕品係過年必需品…
以前有時間媽媽都會整定幾底賀年糕品俾我地食…
不過而家費事煩，都會選擇買賀年糕品食…
今次可以係過年前先試食鴻福堂賀年糕品…為龍年作準備…
試食過後，更放心新年前入定貨或買來送俾親友…
除了因為味道好外，更因為佢無添加(無防腐劑及味精)…而且香港製造，讓我買得放心、食得安心!
獨立真空包裝，乾淨衛生!
今次我試食了5款鴻福堂賀年糕品中其中2款，分別﹕
(1)瑤柱蘿蔔糕/ 750克
(2)燕窩楊枝甘露糕 / 700克
首先，先講講瑤柱蘿蔔糕!
因為我家愛健康，不想煎(太油)、不想叮(微波爐)…所以二話不說便選擇以蒸的方式來吃瑤柱蘿蔔糕…
我大概蒸了5-10mins…蒸的時候已經氣味十足…
瑤柱蘿蔔糕好有份量，蒸熱左之後，熱辣辣的蘿蔔糕仍然keep 住彈口…
上面有著臘腸、一粒粒的蝦米、瑤柱…
切開蘿蔔糕後，裡面能非常清楚看得到非常足料!
我個人不太喜歡吃太軟棉棉的蘿蔔糕…
鴻福堂的這個瑤柱蘿蔔糕口感剛好…
唔知裡面係咪加左胡椒粉…我食落有少少香辣的感覺…非常惹味!
啖啖蘿蔔糕都有臘腸夾蝦米…好正!
雖然並非能啖啖都食到瑤柱…不過瑤柱的份量都唔算少…絕對買得過!
第2款試食的是燕窩楊枝甘露糕…
雖則話叫燕窩楊枝甘露糕…不過燕窩份量不算太多…哈…但我見到表面有一層有燕窩，即刻食左…正!
這個燕窩楊枝甘露糕是女士至愛…就好似平時吃甜品一樣…
金黃色的燕窩楊枝甘露糕…用作賀年糕品也相當不錯…好似黃金咁feel…又有燕窩，非常高貴!
佢的甜度適中，唔算太甜…
不過就好勁的芒果味…我的至愛!
食的時食到金柚同水晶珠，非常清新…
新年時吃得太多油膩野…轉食燕窩楊枝甘露糕係一個幾好的選擇!
因為家中人多…當日拎左返屋企…不消一會就被吃光光!
口味與我家中各人十分吻合…他們都說新年要回購!哈哈!
當日，我也在鴻福堂拿了張小冊子…
原來信用卡買賀年糕品非常抵…
我都映左d價錢…大家可以參考下…
鴻福堂網頁﹕
www.hungfooktong.com
沒有留言:
張貼留言